"Гомсельмаш" прадставіць агратэхніку на выстаўцы ў Татарстане

ААТ "Гомсельмаш" прадставіць агратэхніку на спецыялізаванай сельскагаспадарчай выстаўцы "ТатАграЭкспа 2022", паведамілі БЕЛТА на прадпрыемстве.

Форум пройдзе 24-25 лютага ў Казані. ААТ "Гомсельмаш" сумесна з АТ "Брансксельмаш" плануе прадставіць у экспазіцыі збожжаўборачныя камбайны GS3219, GS12A1 PROFI, самаходную касілку CS100 і кормаўборачны камбайн FS80. Прадстаўнікі мясцовых прадпрыемстваў і профільных ведамстваў могуць з першых вуснаў даведацца аб перавагах і тэхналагічным функцыянале кожнай машыны.

Холдынг "Гомсельмаш" - адзін з буйнейшых вытворцаў сельскагаспадарчай тэхнікі, які ўваходзіць у лік лідараў сусветнага рынку камбайнаў і іншых складаных сельгасмашын. Прадпрыемства выпускае мадэльныя рады збожжаўборачных і кормаўборачных камбайнаў, пачаткаўборачныя і бульбаўборачныя камбайны, касілкі і іншую сельгастэхніку.

Камбайны "Гомсельмаша" працуюць на палях Расіі, Украіны, Казахстана, Чэхіі, Славакіі, Румыніі, Балгарыі, Аргенціны, Бразіліі, Кітая, Рэспублікі Карэя, краін Балтыі. Кампанія мае шырокую тавараправодную сетку, сумесныя прадпрыемствы і зборачныя вытворчасці.