ВЫКАНАЎЧЫ КАМІТЭТ
У Гомельскай вобласці тэмпы ўключэння ў гаспадарчы абарот аб'ектаў камунальнай уласнасці, якія не выкарыстоўваюцца, у I квартале 2022 года выраслі ў два разы ў параўнанні з аналагічным перыядам 2021-га. Аб гэтым паведамілі БЕЛТА ў камітэце "Гомельаблмаёмасць".
Гомельская вобласць па выніках работы за студзень-сакавік выйшла на першае месца ў краіне па ўдзельнай вазе ўключаных у гаспадарчы абарот і знесеных аб'ектаў камунальнай уласнасці, якія не выкарыстоўваліся. "Больш за чвэрць такіх аб'ектаў у рэспубліцы - ва ўласнасці Гомельскай вобласці і яе адміністрацыйна-тэрытарыяльных адзінак. Пры гэтым у рэгіёне знесена 37 працэнтаў ад агульнай колькасці знесеных аварыйных і непрыдатных для далейшай эксплуатацыі аб'ектаў па рэспубліцы. Вызваленыя зямельныя ўчасткі таксама ўключаюцца ў гаспадарчы абарот", - растлумачылі спецыялісты.
Самым дзейсным рычагом у рэгіёне лічаць рэальныя спосабы задзейнічання нерухомай маёмасці ў эканоміцы. Вытворчыя і сацыяльныя будынкі, што не выкарыстоўваюцца, з цягам часу не павінны заставацца ўбаку ад эканамічнага сектара, уключаючы бізнес, упэўнены ў камітэце. "Важна ўдыхнуць у іх новае жыццё, каб яны давалі аддачу, прыносілі прыбытак. Так, больш за 60 працэнтаў аб'ектаў прапанаваны на продаж, здачу ў арэнду, бязвыплатную перадачу ў прыватную ўласнасць для рэалізацыі інвестпраектаў. Для гэтага ў вобласці своечасова прыняты неабходныя рашэнні, праводзіцца інфармацыйная і метадычная работа. Да таго ж штотыднёва арганізуюцца аўкцыённыя, у тым ліку электронныя таргі, па продажы маёмасці", - растлумачылі ў "Гомельаблмаёмасць".
Работа па ўключэнні ў гаспадарчы абарот аб'ектаў нерухомай маёмасці, якія не выкарыстоўваюцца, у Гомельскай вобласці будзе прадоўжана, запэўнілі ў камітэце.-0-