Стаўка рэфінансавання з 19 лютага зніжаецца да 8,75 працэнта

12 лютага, Мінск /Кар. БЕЛТА/. Стаўка рэфінансавання з 19 лютага зніжаецца з 9 працэнтаў да 8,75 працэнта гадавых, стаўка па крэдыце авернайт - з 10 працэнтаў да 9,75 працэнта гадавых, стаўка па дэпазіце авернайт - з 8 працэнтаў да 7,75 працэнта гадавых. Такая інфармацыя размешчана на сайце Нацыянальнага банка, паведамляе карэспандэнт БЕЛТА.
Гэтыя рашэнні прыняты праўленнем Нацбанка па выніках сённяшняга пасяджэння па грашова-крэдытнай палітыцы. Наступнае пасяджэнне запланавана на 13 мая 2020 года.
Мінулы раз стаўка рэфінансавання ў Беларусі была зніжана 20 лістапада - з 9,5 працэнта да 9 працэнтаў гадавых.-0-