ВЫКАНАЎЧЫ КАМІТЭТ
Урад адобрыў сем праектаў міжнароднай тэхнічнай дапамогі. Адпаведная пастанова Савета Міністраў ад 30 кастрычніка 2020 года нумар 623 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Каардынацыю і кантроль за рэалізацыяй праекта "Стымуляванне патэнцыялу тэхналогій Чацвёртай прамысловай рэвалюцыі для інклюзіўнага і ўстойлівага прамысловага развіцця ў Беларусі" забяспечыць Міністэрства эканомікі.
Мінжылкамгас будзе адказваць за ініцыятывы "Мадэрнізацыя камунальных паслуг у Беларусі - дапамога ў рэалізацыі праекта" і "Цэнтральная група па рэалізацыі праекта ЕБРР".
Міністэрства аховы здароўя зоймецца праектамі "Выбудоўванне эфектыўных механізмаў абароны для паляпшэння становішча дзяцей з цяжкімі формамі інваліднасці і захворваннямі, якія абмяжоўваюць працягласць жыцця" і "Умацаванне афіцыйнай сістэмы кантролю бяспекі харчовай прадукцыі і садзейнічанне доступу да рынку прадуктаў харчавання".
Праект тэхдапамогі "Распрацоўка тэхналогіі і інструментаў для аналізу нанаструктур у рэжыме рэальнага часу" будзе каардынаваць Дзяржаўны камітэт па навуцы і тэхналогіях.
Міністэрства прыродных рэсурсаў і аховы навакольнага асяроддзя забяспечыць кантроль за рэалізацыяй праекта "Аднаўленне асушаных тарфянікаў у Беларусі - 2-я фаза".-0-