У Гомельскую вобласць праз беларуска-ўкраінскую граніцу прыбылі каля 680 грамадзян Украіны з 24 лютага. Аб гэтым паведаміў журналістам старшыня Гомельскага аблвыканкама Іван Крупко, перадае карэспандэнт БЕЛТА.
На гэты момант каля 150 чалавек размешчаны ў часовых пунктах знаходжання. "Гэта здраўніцы рэгіёна, інтэрнаты. Яны забяспечаны трохразовым гарачым харчаваннем: паўнацэнным снеданнем, абедам і вячэрай. Ім прадастаўлена ўсё неабходнае. У кожным выпадку сітуацыя прапрацоўваецца ў індывідуальным парадку, вывучаюцца патрэбнасці кожнага", - сказаў Іван Крупко.
Старшыня аблвыканкама запэўніў: у першую чаргу грамадзян, якія прыбываюць з Украіны, забяспечваюць прытулкам і харчаваннем, пры неабходнасці аказваюць урачэбную дапамогу. Затым міграцыйная служба ўдакладняе іх далейшыя планы: плануюць людзі застацца ў Беларусі альбо накіруюцца транзітам у трэція краіны. У далейшым індывідуальна вырашаюцца пытанні кожнай сям'і, кожнага чалавека.
Таксама губернатар наведаў прыгранічча ў Брагінскім раёне. Азнаёміўся з сітуацыяй у пункце пропуску "Гдзень". Сітуацыя застаецца на яго асабістым кантролі.
Да спіса