Амаль 14 тыс. іншаземцаў адпачылі ў здраўніцах Гомельскай вобласці ў студзені - верасні 2022 года. Аб гэтым БЕЛТА паведамілі ў абласным упраўленні Рэспубліканскага цэнтра па аздараўленні і санаторна-курортным лячэнні насельніцтва.
"За 9 месяцаў у санаторыях Гомельскай вобласці аздаравіцца і паправіць сваё здароўе змаглі амаль 14 тыс. замежных грамадзян. Аб'ём выручкі ад экспарту санаторна-аздараўленчых паслуг склаў каля Br13,6 млн - 196,6 працэнта да аналагічнага перыяду 2021 года", - расказалі ў абласным упраўленні.
Здраўніцы вобласці ўдзяляюць асаблівую ўвагу экспарту санаторна-аздараўленчых паслуг, падкрэслілі ва ўпраўленні. Каб прыцягнуць замежнага госця, ствараюцца максімальна камфортныя ўмовы адпачынку, у тым ліку гэта і нумары павышанай камфортнасці, цікавае правядзенне вольнага часу, высакаякаснае харчаванне. Таксама прапануюць шырокі пералік паслуг: лячэбных, дыягнастычных, касметалагічных. Ёсць магчымасць браніравання пуцёвак праз сайт і г.д.
Усяго ж у студзені - верасні санаторна-курортныя і аздараўленчыя арганізацыі рэгіёна рэалізавалі больш за 80 тыс. пуцёвак. З іх Рэспубліканскаму цэнтру па аздараўленні і санаторна-курортным лячэнні насельніцтва - каля 30 тыс., юрыдычным і фізічным асобам каля 50 тыс. Аб'ём выручкі ад рэалізацыі санаторна-аздараўленчых паслуг перавысіў Br69 млн.
"Сярэдняя запаўняльнасць здраўніц Гомельскай вобласці склала 83 працэнты", - дадалі ва ўпраўленні.
Для захавання і ўмацавання матэрыяльна-тэхнічнай базы здраўніц за 9 месяцаў накіравалі больш за Br7 млн. У тым ліку на стварэнне ўмоў безбар'ернага асяроддзя - звыш Br39 тыс.-0-