"Беларуснафта" ў 2022 годзе пабудуе новыя аўтазаправачныя мультыкомплексы, правядзе рэканструкцыю і мадэрнізацыю АЗС у сталіцы і рэгіёнах, паведамілі БЕЛТА ў прэс-службе кампаніі.
Дзве новыя запраўкі з'явяцца ў сталічным рэгіёне. Плануецца ўзвесці АЗС на аўтадарозе Р65 Заслаўе - Дзяржынск - Возера і ў Мінску. Яны будуць пабудаваны ў абноўленым фірменным стылі кампаніі.
Маштабная рэканструкцыя, а гэта практычна поўная перабудова дзеючых аб'ектаў, чакае 16 АЗС ва ўсіх рэгіёнах краіны. У іх ліку не толькі аўтазаправачныя станцыі, размешчаныя ў абласных цэнтрах, але і ў сельскай мясцовасці.
Прадоўжаць і мадэрнізацыю гандлёвых залаў АЗС. Абнаўленне закране 40 аўтазаправачных комплексаў краіны.
Фірменная сетка АЗС "Беларуснафты" налічвае больш за 570 аўтазаправачных станцый ва ўсіх абласцях краіны. "У 2021 годзе было пабудавана, рэканструявана і мадэрнізавана амаль 60 АЗС. Упершыню ў сетцы былі ўкаранёны такія фарматы, як "АЗС: магазін каля дома", "Магазін без АЗС" і мабільны кафэ-маркет", - адзначылі ў прэс-службе.-0-