На асобных участках рэк Беларусі з'явяцца першыя ледзяныя ўтварэнні. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Тэмпература вады панізілася. У рэках басейнаў Заходняй Дзвіны, Дняпра і Сожа тэмпература складае 0 - плюс 3,9 градуса, Нёмана і Бярэзіны - плюс 1-4,2 градуса, Віліі - плюс 2,1-4,0 градуса, а Заходняга Буга і Прыпяці - плюс 1,5-5,9 градуса. У вадаёмах тэмпература на ўзроўні плюс 1,7-3,0 градуса.
У сувязі з адмоўнымі тэмпературамі паветра на асобных участках рэк з'явяцца першыя ледзяныя ўтварэнні.
"Невялікі (1-7 см за суткі) рост узроўняў вады назіраецца на Нёмане, Дняпры на ўчастку Жлобін - Лоеў, Прыпяці на ўчастку Чэрнічы - Нароўля, Заходняй Дзвіне каля Верхнядзвінска, Сожы каля Гомеля, а таксама на асобных іх прытоках і некаторых прытоках Заходняга Буга. На астатняй працягласці названых рэк, а таксама на Віліі і Бярэзіне адзначаецца спад узроўняў вады з сутачнай інтэнсіўнасцю 1-9 см", - расказалі ў Белгідрамеце.
На прытоку Дняпра канале Іўня-Бонда каля вёскі Будка і прытоку Прыпяці рацэ Случ каля аграгарадка Ленін вада знаходзіцца на пойме.
Неспрыяльныя ўмовы для работы рачнога транспарту захоўваюцца толькі на Нёмане каля Гродна.-0-
Да спіса