Мінпрацы прадоўжыла тэрмін праверкі ведаў па ахове працы
Міністэрства працы і сацыяльнай абароны прадоўжыла тэрмін праходжання перыядычнай праверкі ведаў па пытаннях аховы працы. Гэта прадугледжана пастановай Мінпрацы ад 24 чэрвеня 2020 года нумар 60, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Згодна з пастановай, тэрмін праходжання праверкі, што заканчваецца ў перыяд з 30 красавіка па 31 ліпеня, прадаўжаецца на тры месяцы. Гэта датычыцца кіраўнікоў арганізацый, іх намеснікаў, адказных за арганізацыю аховы працы, галоўных спецыялістаў, работнікаў службаў аховы працы (спецыялістаў па ахове працы), членаў камісій для праверкі ведаў, якія працуюць па пытаннях аховы працы арганізацый.
Дакумент таксама распаўсюджваецца на работнікаў юрыдычных асоб і індывідуальных прадпрымальнікаў, якія аказваюць паслугі ў галіне аховы працы; наймальнікаў, якія з'яўляюцца фізічнымі асобамі.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 30 красавіка.
Да спіса